ਆਂਡਾ ਕਾਟੀ ਰੋਲ

ਧਨੀਆ ਪੁਦੀਨਾ ਦਹੀਂ ਦੀ ਚਟਨੀ: ਦਹੀਂ ਤੋਂ ਬਗੈਰ ਚਟਨੀ ਦੀ ਸਾਰੀ ਸਮੱਗਰੀ ਨੂੰ ਬਲੈਂਡਰ ਜਾਂ ਫੂਡ ਪੋ੍ਰਸੈਸਰ ਵਿਚ ਪਾਓ। ਚੰਗੀ ਤਰ੍ਹਾਂ ਬਲੈਂਡ ਕਰੋ। ਫਿਰ ਇਕ ਛੋਟੇ ਬਾਊਲ ਵਿਚ ਪਾ ਲਓ ਅਤੇ ਇਸ ਵਿਚ ਦਹੀਂ ਮਿਲਾ ਲਓ। ਇਸਨੂੰ ਫਰਿੱਜ ਵਿਚ ਰੱਖ ਦਿਓ। ਚਟਨੀ ਤਿਆਰ ਹੈ।

ਪਰੌਂਠੇ ਲਈ ਗੁੰਨਿਆ ਆਟਾ: ਇਕ ਵੱਡੇ ਮਿਕਸਿੰਗ ਬਾਊਲ ਵਿਚ ਮੈਦਾ, ਨਮਕ ਅਤੇ ਪਾਣੀ ਮਿਲਾਓ। ਇਸਨੂੰ ਗੁੰਨੋ। ਇਸ ਵਿਚ ਬੀਟ ਕੀਤਾ ਹੋਇਆ ਆਂਡਾ ਪਾ ਕੇ ਮਿਲਾਓ। ਇਸ ਵਿਚ ਜੀਰਾ ਤੇ ਤੇਲ ਪਾ ਕੇ ਮਿਲਾਓ ਅਤੇ ਚੰਗੀ ਤਰ੍ਹਾਂ ਗੁੰਨੋ। ਫਿਰ ਇਸਨੂੰ ਢੱਕ ਕੇ 10 ਮਿੰਟ ਲਈ ਪਿਆ ਰਹਿਣ ਦਿਓ।

ਸਬਜੀਆਂ ਦੀ ਫਿਲਿੰਗ: ਇਕ ਮੀਡੀਅਮ ਪੈਨ ਵਿਚ ਤੇਲ ਪਾ ਕੇ ਮੀਡੀਅਮ ਹਾਈ ਸੇਕ `ਤੇ ਗਰਮ ਕਰੋ। ਇਸ ਵਿਚ ਜੀਰਾ ਪਾ ਕੇ ਫਰਾਈ ਕਰੋ ਤਾਂ ਕਿ ਜੀਰੇ ਦੀ ਸੁਗੰਧ ਆਉਣੀ ਸ਼ੁਰੂ ਹੋ ਜਾਵੇ। ਇਸ ਵਿਚ ਲਾਲ ਪਿਆਜ਼ ਪਾਓ ਅਤੇ ਕੁਝ ਮਿੰਟ ਲਈ ਫਰਾਈ ਕਰੋ। ਇਸ ਵਿਚ ਯਕੀਨੀ, ਸਿ਼ਮਲਾ ਮਿਰਚ, ਖੁੰਬਾਂ ਅਤੇ ਟਮਾਟਰ ਪਾ ਕੇ ਮਿਕਸ ਕਰੋ। ਇਸ ਵਿਚ ਧਨੀਆ, ਲਸਣ ਪੇਸਟ, ਹਲਦੀ ਅਤੇ ਸਵਾਦ ਅਨੁਸਾਰ ਨਮਕ ਪਾ ਕੇ ਕੁਝ ਮਿੰਟ ਤੱਕ ਪਕਾਓ।

ਪਰੌਂਠਿਆਂ ਲਈ ਗੁੰਨੇ ਹੋਏ ਆਟੇ ਦੇ ਚਾਰ ਪੇੜੇ ਕਰ ਲਓ। ਚਕਲੇ ਵੇਲਣੇ ਨਾਲ ਚਾਰ ਪਰੌਂਠੇ ਵੇਲ ਲਓ ਜਿਹਨਾਂ ਦੀ ਮੋਟਾਈ 2-3 ਮਿਲੀਮੀਟਰ ਹੋਣੀ ਚਾਹੀਦੀ ਹੈ।

ਮੋਟੇ ਥਲੇ ਵਾਲੇ ਤਵੇ/ਫਰਾਈ ਪੈਨ ਨੂੰ ਮੀਡੀਅਮ-ਹਾਈ ਸੇਕ `ਤੇ ਗਰਮ ਕਰੋ ਅਤੇ ਪਰੌਂਠਿਆ ਦੇ ਦੋਹੀਂ ਪਾਸੀਂ ਤੇਲ ਲਾ ਕੇ ਗੋਲਡਨ ਬਰਾਊਨ ਹੋਣ ਤੱਕ ਪਕਾਓ। ਹੁਣ ਇਹਨਾਂ ਨੂੰ ਇਕ ਪਲੇਟ ਵਿਚ ਰੱਖ ਲਓ।

ਆਂਡਾ ਕਰੀਪਸ: ਇਕ ਛੋਟੇ ਬਾਊਲ ਵਿਚ ਇਕ ਆਂਡੇ ਨੂੰ ਫੈਂਟੋ ਅਤੇ ਇਸ ਵਿਚ ¼ ਕੱਟੀ ਹੋਈ ਹਰੀ ਮਿਰਚ, ¼ ਚਮਚ ਚਾਟ ਮਸਾਲਾ, 1 ਵੱਡਾ ਚਮਚ ਹਰਾ ਧਨੀਆ ਅਤੇ ਸਵਾਦ ਅਨੁਸਾਰ ਨਮਕ ਪਾਓ। ਫੋਰਕ ਨਾਲ ਚੰਗੀ ਤਰਾਂ ਫੈਂਟੋ। ਹੁਣ ਨਾਨ-ਸਟਿੱਕ ਪੈਨ ਵਿਚ ਤੇਲ ਪਾ ਕੇ ਮੀਡੀਅਮ-ਹਾਈ ਸੇਕ `ਤੇ ਗਰਮ ਕਰੋ। ਇਸ ਵਿਚ ਆਂਡਾ ਮਿਕਸਚਰ ਪਾ ਕੇ ਆਮਲੇਟ ਨੂੰ ਦੋਹਾਂ ਪਾਸਿਆਂ ਤੋਂ ਚੰਗੀ ਤਰਾਂ ਪਕਾਓ। ਇਸੇ ਤਰਾਂ ਬਾਕੀ ਆਂਡਿਆਂ ਦੇ ਵੀ ਆਮਲੇਟ ਬਣਾਓ।

ਕਾਟੀ ਰੋਲ ਬਣਾਉਣ ਲਈ, ਆਂਡਾ ਆਮਲੇਟ ਨੂੰ ਇਕ ਪਰੌਂਠੇ `ਤੇ ਰੱਖੋ। ਇਸ ਵਿਚ ¼ ਸਬਜੀਆਂ ਦੀ ਬਣਾਈ ਹੋਈ ਫਿਲਿੰਗ ਪਾਓ ਅਤੇ ਉਪਰ ਚਟਨੀ ਪਾਓ। ਹੁਣ ਪਰਾਂਠੇ ਨੂੰ ਰੋਲ ਕਰਕੇ ਇਸਨੂੰ ਟੂਥਪਿੱਕ ਨਾਲ ਫਿਕਸ ਕਰ ਲਓ। ਕਾਟੀ ਰੋਲ ਤਿਆਰ ਹੈ ਜਿਸਨੂੰ ਸਵਾਦਲੇ ਲੰਚ, ਡਿਨਰ ਜਾਂ ਸਨੈਕਸ ਵਜੋਂ ਖਾਧਾ ਜਾ ਸਕਦਾ ਹੈ। ਇਸ ਤਰਾਂ ਬਾਕੀ ਕਾਟੀ ਰੋਲ ਬਣਾਓ।