ਖੱਟੀ-ਮਿੱਠੀ ਇਮਲੀ ਦੀ ਚਟਨੀ ਨਾਲ ਆਂਡਿਆਂ ਦੇ ਸਮੋਸਾ ਪੱਫ਼

ਸਾਰੀ ਸਮੱਗਰੀ ਨੂੰ ਬਲੈਂਡਰ ਜਾਂ ਫੂਡ ਪੋ੍ਰਸੈਸਰ ਵਿਚ ਪਾਓ ਅਤੇ ਚੰਗੀ ਤਰਾਂ ਬਲੈਂਡ ਕਰੋ। ਚਟਨੀ ਨੂੰ ਕੱਢ ਕੇ ਇਕ ਪਾਸੇ ਰੱਖ ਲਓ।

ਦਰਮਿਆਨੇ ਸਾਈਜ਼ ਦੇ ਪੈਨ ਵਿਚ ਕੁਕਿੰਗ ਤੇਲ ਪਾ ਕੇ ਮੀਡੀਅਮ-ਹਾਈ ਸੇਕ `ਤੇ ਗਰਮ ਕਰੋ। ਇਸ ਵਿਚ ਧਨੀਆ ਅਤੇ ਜੀਰਾ ਪਾ ਕੇ ਇਕ ਮਿੰਟ ਤੱਕ ਪਕਾਓ।

ਇਸ ਵਿਚ ਹਰੇ ਮਟਰ, ਧਨੀਆ ਪਾਊਡਰ, ਜੀਰਾ ਪਾਊਡਰ, ਲਸਣ ਪੇਸਟ, ਮਿਰਚ ਪਾਊਡਰ ਅਤੇ ਹਲਦੀ ਪਾਊਡਰ ਪਾ ਕੇ ਪਕਾਓ।

ਇਸ ਵਿਚ ਬਰੀਕ ਕੱਟੇ ਹੋਏ ਉਬਲੇ ਆਂਡੇ, ਨਿੰਬੂ ਦਾ ਰਸ, ਗਰਮ ਮਸਾਲਾ, ਹਰਾ ਧਨੀਆ ਅਤੇ ਲਾਲ ਪਿਆਜ਼ ਨੂੰ ਮਿਲਾਓ। ਸਵਾਦ ਅਨੁਸਾਰ ਨਮਕ ਪਾ ਕੇ ਮਿਲਾਓ। ਇਸਨੂੰ 10-15 ਮਿੰਟ ਤੱਕ ਠੰਡਾ ਕਰੋ ਤਾਂ ਇਸਦਾ ਤਾਪਮਾਨ ਕਮਰੇ ਦੇ ਤਾਪਮਾਨ ਦੇ ਬਰਾਬਰ ਹੋ ਜਾਵੇ। ਸਮੋਸਾ ਫਿਿਲੰਗ ਤਿਆਰ ਹੈ

ਓਵਨ ਨੂੰ 400 ਫਾਰਨਹੀਟ ਤਾਪਮਾਨ ਤੱਕ ਪ੍ਰੀਹੀਟ ਕਰੋ।

ਕੁਕਿੰਗ ਬੋਰਡ ਜਾਂ ਕਿਚਨ ਕਾਊਂਟਰ `ਤੇ ਮੈਦਾ ਧੂੜ ਲਓ। ਹੁਣ ਇਸ `ਤੇ ਪੱਫ਼ ਪੈਸਟਰੀ ਰੱਖ ਕੇ, ਪੈਸਟਰੀ ਦੀਆਂ 9 ਇੰਚ ਵਰਗ ਅਕਾਰ ਦੀਆਂ ਅਤੇ ¼ ਇੰਚ ਮੋਟੀਆਂ ਦੋ ਰੋਟੀਆਂ ਬਣਾ ਲਓ। ਪੈਸਟਰੀ ਦੀ ਹਰ ਰੋਟੀ ਨੂੰ ਚਾਕੂ ਨਾਲ ਤਿੰਨ ਹਿੱਸਿਆਂ ਵਿਚ ਕੱਟ ਲਓ। ਛੇ ਹਿੱਸੇ ਬਣ ਜਾਣਗੇ। ਹੁਣ ਹਰ ਹਿੱਸੇ ਨੂੰ ਬਰਾਬਰ ਕੱਟ ਕੇ ਤਿੰਨ ਛੋਟੇ ਹਿੱਸੇ ਬਣਾਓ ਜਿਸ ਨਾਲ ਤਿੰਨ ਸਮੋਸੇ ਬਣਾਏ ਜਾ ਸਕਦੇ ਹਨ। ਇਸ ਤਰ੍ਹਾਂ ਕੁਲ 18 ਸਮੋਸੇ ਬਣਾਏ ਜਾ ਸਕਣਗੇ। ਹੁਣ ਇਕ ਹਿੱਸੇ `ਤੇ ਠੰਢੀ ਹੋਈ ਸਮੋਸਾ ਫਿਲਿੰਗ ਦਾ ਇਕ ਵੱਡਾ ਚਮਚ ਪਾ ਕੇ, ਇਸਦਾ ਤਿਕੋਣੀ ਸ਼ਕਲ ਦਾ ਸਮੋਸਾ ਬਣਾ ਲਓ। ਤਿੰਨਾਂ ਸਿਰਿਆਂ ਤੋਂ ਚੰਗੀ ਤਰ੍ਹਾਂ ਦਬਾਓ ਤਾਂ ਜੋ ਫਿਲਿੰਗ ਬਾਹਰ ਨਾ ਨਿਕਲੇ। ਇਸ ਤਰ੍ਹਾਂ 18 ਸਮੋਸੇ ਤਿਆਰ ਕਰ ਲਓ।

ਇਹਨਾਂ ਸਮੋਸਿਆਂ ਨੂੰ ਪ੍ਰੀਹੀਟ ਕੀਤੇ ਹੋਏ ਓਵਨ ਵਿਚ ਰੱਖ ਕੇ 15-20 ਮਿੰਟ ਤੱਕ ਪਕਾਓ ਤਾਂ ਕਿ ਸਮੋਸਿਆਂ ਦਾ ਰੰਗ ਪੱਕ ਕੇ ਗੋਲਡਨ ਬਰਾਊਨ ਹੋ ਜਾਵੇ। ਇਹਨਾਂ ਨੂੰ ਖੱਟੀ-ਮਿਠੀ ਇਮਲੀ ਦੀ ਚਟਨੀ ਨਾਲ ਸਰਵ ਕਰੋ।