ਧਨੀਆ ਪੁਦੀਨੇ ਦੀ ਚਟਨੀ ਨਾਲ ਆਂਡਾ ਟਿੱਕਾ ਪਕੌੜਾ

ਧਨੀਆ ਪੁਦੀਨੇ ਦੀ ਚਟਨੀ: ਚਟਨੀ ਦੀ ਸਮੱਗਰੀ ਨੂੰ ਬਲੈਂਡਰ ਜਾਂ ਫੂਡ ਪੋ੍ਰਸੈਸਰ ਵਿਚ ਪਾਓ ਅਤੇ ਚੰਗੀ ਤਰਾਂ ਬਲੈਂਡ ਕਰੋ। ਚਟਨੀ ਨੂੰ ਇਕ ਬਾਊਲ ਵਿਚ ਪਾ ਲਓ ਅਤੇ ਇਸਨੂੰ ਫਰਿੱਜ ਵਿਚ ਰੱਖ ਦਿਓ।

ਪਕੌੜੇ ਦਾ ਘੋਲ: ਇਕ ਵੱਡੇ ਬਾਊਲ ਵਿਚ ਵੇਸਣ, ਨਮਕ, ਧਨੀਆ ਪਾਊਡਰ, ਜੀਰਾ ਪਾਊਡਰ, ਅਜ਼ਵਾਇਣ, ਮਿਰਚ ਪਾਊਡਰ, ਹਲਦੀ ਪਾਊਡਰ ਅਤੇ ਬੇਕਿੰਗ ਸੋਡਾ ਮਿਲਾਓ। ਇਸ ਨੂੰ ਹਿਲਾਓ ਅਤੇ ਇਸਨੂੰ ਵਧੀਆ ਬਣਾਉਣ ਲਈ ਪਾਣੀ ਪਾਓ। ਜੇ ਇਹ ਘੋਲ ਸੰਘਣਾ ਹੈ ਤਾਂ ਇਸ ਵਿਚ ਇਕ ਚਮਚ ਹੋਰ ਪਾਣੀ ਪਾਓ। ਇਸਨੂੰ 10 ਮਿੰਟ ਤੱਕ ਪਿਆ ਰਹਿਣ ਦਿਓ।

ਕੜਾਹੀ ਵਿਚ ਤੇਲ ਪਾ ਕੇ ਮੀਡੀਅਮ-ਹਾਈ ਸੇਕ `ਤੇ ਗਰਮ ਕਰੋ। ਥੋੜਾ ਜਿਹਾ ਘੋਲ ਗਰਮ ਤੇਲ ਵਿਚ ਪਾਓ। ਅਗਰ ਇਹ ਉਪਰ ਆ ਜਾਂਦਾ ਹੈ ਤਾਂ ਗਰਮ ਤੇਲ ਫਰਾਈ ਕਰਨ ਲਈ ਤਿਆਰ ਹੈ।

ਪਕੌੜੇ ਦੇ ਘੋਲ ਵਿਚ ਆਂਡਿਆਂ ਦਾ `ਕੱਲਾ `ਕੱਲਾ ਕੱਟਿਆ ਹੋਇਆ ਪੀਸ ਪਾਓ। ਇਸਨੂੰ ਚੰਗੀ ਤਰਾਂ ਘੋਲ ਵਿਚ ਲਬੇੜ ਕੇ ਗਰਮ ਤੇਲ ਵਿਚ ਪਾਓ। ਇਕ ਵਾਰ ਵਿਚ ਥੋੜ੍ਹੇ ਪੀਸ ਪਾਓ। ਇਹਨਾਂ ਨੂੰ ਗੋਲਡਨ ਬਰਾਊਨ ਹੋਣ ਤੱਕ ਫਰਾਈ ਕਰੋ। ਤੇਲ ਵਿਚੋਂ ਕੱਢ ਕੇ ਟਾਵਲ ਪੇਪਰ `ਤੇ ਰੱਖੋ ਤਾਂ ਕਿ ਪਕੌੜਿਆਂ ਵਿਚਲਾ ਵਾਧੂ ਤੇਲ ਸੋਕ ਹੋ ਜਾਵੇ॥ ਇਸਨੂੰ ਪੁਦੀਨਾ ਤੇ ਧਨੀਅੇ ਦੀ ਚਟਨੀ ਨਾਲ ਐਪੇਟਾਈਜ਼ਰ ਜਾਂ ਸਨੈਕਸ ਵਜੋਂ ਸਰਵ ਕਰੋ।