ਆਂਡਾ ਮੱਖਣੀ

ਭਾਰੇ ਥਲੇ ਵਾਲੇ ਮੀਡੀਅਮ ਪੈਨ ਵਿਚ ਤੇਲ ਪਾ ਕੇ ਮੀਡੀਅਮ-ਹਾਈ ਸੇਕ `ਤੇ ਗਰਮ ਕਰੋ। ਕਾਲੀ ਮਿਰਚ ਅਤੇ ਲੈਚੀਆਂ ਪਾ ਕੇ ਇਕ ਮਿੰਟ ਤੱਕ ਫਰਾਈ ਕਰੋ। ਇਸ ਵਿਚ ਵੇਸਣ ਪਾ ਕੇ ਲਗਾਤਾਰ ਹਿਲਾਓ ਤਾਂ ਕਿ ਵੇਸਣ ਗੋਲਡਨ ਬਰਾਊਨ ਹੋ ਜਾਵੇ।

ਹੁਣ ਕਰੱਸ਼ਡ ਟਮਾਟਰ ਮਿਕਸ ਕਰੋ ਅਤੇ ਲਸਣ ਪੇਸਟ ਤੇ ਅਦਰਕ ਪੇਸਟ ਮਿਲਾਓ। ਫਿਰ ਖੰਡ, ਧਨੀਆ ਪਾਊਡਰ, ਜੀਰਾ ਪਾਊਡਰ, ਹਲਦੀ ਪਾਊਡਰ, ਮਿਰਚ ਪਾਊਡਰ ਅਤੇ ਨਮਕ ਪਾਓ। ਚੰਗੀ ਤਰ੍ਹਾਂ ਮਿਲਾਓ ਅਤੇ ਕੁਝ ਮਿੰਟਾਂ ਤੱਕ ਕੁੱਕ ਕਰੋ।

ਫਿਰ ਇਕ ਕੱਪ ਪਾਣੀ ਦਾ ਪਾ ਕੇ ਮਿਲਾਓ ਅਤੇ ਕੁਝ ਮਿੰਟਾਂ ਤੱਕ ਮੀਡੀਅਮ ਸੇਕ `ਤੇ ਕੁੱਕ ਕਰੋ।

ਹੁਣ ਇਸ ਵਿਚ ਕਰੀਮ ਪਾਓ ਅਤੇ ¼ ਕੱਪ ਹੋਰ ਪਾਣੀ ਦਾ ਪਾ ਕੇ ਤਾਂ ਕਿ ਤਰੀ ਪਤਲੀ ਹੋ ਜਾਵੇ। ਇਸ ਵਿਚ ਉਬਲੇ ਹੋਏ ਆਂਡੇ ਪਾ ਕੇ ਤਰੀ ਵਿਚ ਡਬੋਵੋ ਅਤੇ ਮੱਠੇ ਮੱਠੇ ਸੇਕ `ਤੇ ਕੁਝ ਮਿੰਟ ਪਕਾਓ। ਗਰਮ ਮਸਾਲਾ ਅਤੇ ਹਰੇ ਧਨੀਏ ਨਾਲ ਗਾਰਨਿਸ਼ ਕਰੋ। ਬਾਸਮਤੀ ਚਾਵਲ ਅਤੇ ਨਾਨ ਦੇ ਨਾਲ ਖਾਵੋ ਅਤੇ ਇਸਦੀ ਲਜ਼ਤ ਮਾਣੋ।