ਖੁੰਬਾਂ, ਪਾਲਕ ਅਤੇ ਪਿਆਜ਼ ਵਾਲੇ ਇੰਡੀਅਨ-ਸਟਾਈਲ ਪੈਨ ਆਂਡੇ

ਇਕ ਵੱਡੇ ਫਰਾਈ ਪੈਨ ਵਿਚ ਘਿਓ ਜਾਂ ਬਟਰ ਪਾ ਕੇ ਮੀਡੀਅਮ ਸੇਕ `ਤੇ ਪਿਘਲਾਓ। ਇਸ ਵਿਚ ਪਿਆਜ਼ ਪਾਓ ਅਤੇ ਕੁਝ ਮਿੰਟ ਤੱਕ ਪਕਾਓ। ਫਿਰ ਖੁੰਬਾਂ ਅਤੇ ਪਾਲਕ ਪਾ ਕੇ ਇਕ ਮਿੰਟ ਤੱਕ ਪਕਾਓ।

ਇਸ ਵਿਚ ਲਸਣ ਦੀ ਪੇਸਟ ਪਾਓ ਅਤੇ ਧਨੀਆ ਪਾਊਡਰ, ਜੀਰਾ ਪਾਊਡਰ, ਮਿਰਚ ਪਾਊਡਰ, ਹਲਦੀ ਅਤੇ ਨਮਕ ਮਿਲਾਓ। ਖੁੰਬਾਂ ਅਤੇ ਪਾਲਕ ਦੇ ਮਿਕਸਚਰ ਨੂੰ ਫਰਾਈ ਪੈਨ ਵਿਚ ਇਕਸਾਰ ਕਰ ਦਿਓ।

ਹੁਣ ਖੁੰਬਾਂ ਤੇ ਪਾਲਕ ਦੇ ਮਿਕਸਚਰ ਵਿਚ ਚਾਰ ਆਂਡਿਆਂ ਲਈ ਚਾਰ ਨਿੱਕੇ ਨਿੱਕੇ ਹੋਲ ਕਰ ਲਓ। ਹਰੇਕ ਹੋਲ ਵਿਚ ਇਕ ਇਕ ਆਂਡਾ ਤੋੜ ਕੇ ਪਾ ਦਿਓ। ਆਂਡਿਆਂ `ਤੇ ਸਵਾਦ ਅਨੁਸਾਰ ਚੁਟਕੀ ਕੁ ਨਮਕ (ਅਤੇ ਕੱਟੀ ਹੋਈ ਹਰੀ ਮਿਰਚ) ਪਾਓ। ਇਸਨੂੰ ਢੱਕਣ ਨਾਲ ਢੱਕ ਦਿਓ ਅਤੇ 10-12 ਮਿੰਟ ਤੱਕ ਮੀਡੀਅਮ ਸੇਕ `ਤੇ ਪਕਾਓ ਤਾਂ ਕਿ ਆਂਡੇ ਦੀ ਜਰਦੀ ਪੱਕ ਜਾਵੇ।

ਹਰਾ ਧਨੀਆ, ਗਰਮ ਮਸਾਲੇ ਅਤੇ ਕਸ਼ਮੀਰੀ ਮਿਰਚ (ਜਾਂ ਪੈਪਰੀਕਾ) ਨਾਲ ਗਾਰਨਿਸ਼ ਕਰਕੇ ਸਰਵ ਕਰੋ।