ਮਸਾਲੇਦਾਰ ਫਰਾਈਡ ਅੰਡਾ ਬਰਗਰ

ਧਨੀਆ-ਪੁਦੀਨੇ ਦੀ ਮੈਉਨੀਜ਼ : ਮੈਉਨੀਜ਼ ਤੋਂ ਬਗੈਰ ਚਟਨੀ ਦੀ ਸਾਰੀ ਸਮੱਗਰੀ ਨੂੰ ਇਕੱਠਿਆ ਹੀ ਬਲੈਂਡਰ ਜਾਂ ਫੂਡ ਪੋ੍ਰਸੈਸਰ ਵਿਚ ਪਾਓ ਅਤੇ ਬਲੈਂਡ ਕਰੋ ਤਾਂ ਕਿ ਵਧੀਆ ਪੇਸਟ ਬਣ ਜਾਵੇ। ਇਸਨੂੰ ਛੋਟੇ ਬਾਊਲ ਵਿਚ ਪਾਓ ਅਤੇ ਇਸ ਵਿਚ ਮੈਉਨੀਜ਼ ਨੂੰ ਮਿਲਾਓ। ਧਨੀਆ–ਪੁਦੀਨੇ ਦੀ ਮੈਨੀਜ਼ ਤਿਆਰ ਹੈ।

ਇਕ ਨਾਨ-ਸਟਿੱਕ ਪੈਨ ਵਿਚ ਦੋ ਚਾਹ ਵਾਲੇ ਚਮਚ ਘਿਓ ਜਾਂ ਮੱਖਣ ਪਾ ਕੇ ਮੀਡੀਅਮ-ਹਾਈ ਸੇਕ `ਤੇ ਗਰਮ ਕਰੋ। ਦੋ ਬਨਾਂ ਨੂੰ ਦੋਹਾਂ ਪਾਸਿਆਂ ਤੋਂ ਟੋਸਟ ਕਰੋ ਅਤੇ ਇਹਨਾਂ ਨੂੰ ਇਕ ਪਾਸੇ ਰੱਖ ਲਓ।

ਉਸੇ ਨਾਨ-ਸਟਿੱਕ ਪੈਨ ਵਿਚ ਇਕ ਚਾਹ ਵਾਲ ਚਮਚ ਘਿਓ ਜਾਂ ਮੱਖਣ ਪਾ ਕੇ ਮੀਡੀਅਮ-ਹਾਈ ਸੇਕ `ਤੇ ਗਰਮ ਕਰੋ। ਆਂਡੇ ਨੂੰ ਤੋੜ ਕੇ ਗਰਮ ਪੈਨ ਵਿਚ ਪਾਓ। ਉਸ ਉਪਰ ਗਰਮ ਮਸਾਲਾ, ਮਿਰਚ ਪਾਊਡਰ ਅਤੇ ਸਵਾਦ ਅਨੁਸਾਰ ਲੂਣ ਪਾਓ। ਕੁਝ ਮਿੰਟਾਂ ਤੱਕ ਆਂਡੇ ਨੂੰ ਪਕਾਓ ਤਾਂ ਕਿ ਜਰਦੀ ਪੱਕ ਜਾਵੇ ਜਾਂ ਤੁਹਾਡੀ ਮਰਜੀ ਅਨੁਸਾਰ ਪੱਕ ਜਾਵੇ। ਇਸੇ ਤਰ੍ਹਾਂ ਦੂਸਰੇ ਆਂਡੇ ਨੂੰ ਪਕਾਓ।

ਧਨੀਆ-ਪੁਦੀਨੇ ਦੀ ਮੈਉਨੀਜ਼ ਨੂੰ ਬਨ ਦੇ ਅੰਦਰਲੇ ਪਾਸੇ ਲਗਾਓ ਅਤੇ ਇਸ ਵਿਚ ਫਰਾਈਡ ਆਂਡਾ, ਟਮਾਟਰ, ਲੈਟਸ, ਪਿਆਜ਼ ਅਤੇ ਇਸਨੂੰ ਖਸਤਾ ਬਣਾਉਣ ਲਈ ਭੁਜੀਆ ਸੇਂਵੀਆਂ ਪਾਓ। ਇਸੇ ਤਰ੍ਹਾਂ ਦੂਸਰੇ ਬਨ ਨਾਲ ਬਰਗਰ ਤਿਆਰ ਕਰੋ।