ਆਂਡੇ ਦੀ ਮਿਠਾਈ

ਇਕ (11” ਣ 7” ਣ 2”) ਸਾਈਜ਼ ਦਾ ਬੇਕਿੰਗ ਪੈਨ ਲਓ ਅਤੇ ਇਸ `ਤੇ ਫੋਆਇਲ ਲਗਾਓ। ਓਵਨ ਨੂੰ 350 ਫਾਰਨਹੀਟ ਤੱਕ ਪ੍ਰੀਹੀਟ ਕਰੋ।

ਇਕ ਛੋਟੇ ਨਾਨ-ਸਟਿੱਕ ਪੈਨ ਵਿਚ ਹਾਫ਼ ਐਂਡ ਹਾਫ਼ ਕਰੀਮ ਅਤੇ ਸਕਿੱਮ ਮਿਲਕ ਪਾਊਡਰ ਪਾਓ। ਮੀਡੀਅਮ-ਹਾਈ ਸੇਕ `ਤੇ 15-20 ਮਿੰਟ ਤੱਕ ਗਰਮ ਕਰੋ ਅਤੇ ਨਿਰੰਤਰ ਹਿਲਾਈ ਜਾਵੋ ਤਾਂ ਕਿ ਖੋਆ ਬਣ ਜਾਵੇ। ਧਿਆਨ ਰੱਖਣਾ ਕਿ ਇਹ ਥਲੇ ਨਾ ਲੱਗ ਜਾਵੇ। ਇਸ ਨੂੰ ਇਕ ਪਾਸੇ ਰੱਖ ਲਓ।

ਇਕ ਵੱਡੇ ਬਾਊਲ ਵਿਚ ਆਂਡੇ, ਖੰਡ, ਕੇਸਰ, ਘਿਓ ਅਤੇ ਇਲਾਇਚੀ ਦੇ ਦਾਣਿਆਂ ਨੂੰ ਮਿਲਾ ਕੇ ਫੈਂਟੋ। ਇਸ ਵਿਚ ਸੂਜੀ, ਮੈਦਾ ਅਤੇ ਬੇਕਿੰਗ ਸੋਡਾ ਪਾ ਕੇ ਮਿਲਾਓ। ਇਸ ਵਿਚ ਖੋਆ ਪਾ ਕੇ ਚੰਗੀ ਤਰ੍ਹਾਂ ਮਿਲਾਓ।

ਇਸ ਮਿਕਸਚਰ ਨੂੰ ਬੇਕਿੰਗ ਪੈਨ ਵਿਚ ਪਾਓ। ਇਸ ਉਪਰ ਕਾਜੂ, ਪਿਸਤਾ ਅਤੇ ਬਦਾਮ ਪਾਓ। ਓਵਨ ਦੇ ਸੈਂਟਰ ਵਿਚ ਬੇਕਿੰਗ ਪੈਨ ਰੱਖ ਕੇ ਇਸਨੂੰ 25 ਮਿੰਟ ਤੱਕ ਪਕਾਓ ਤਾਂ ਕਿ ਇਹ ਉਪਰੋਂ ਗੋਲਡਨ ਬਰਾਊਨ ਹੋ ਜਾਵੇ। ਛੁਰੀ ਨੂੰ ਇਸ ਵਿਚ ਖਭੋ ਕਿ ਦੇਖੋ। ਅਗਰ ਇਸ ਨਾਲ ਮਿਕਸਚਰ ਨਹੀਂ ਲੱਗਦਾ ਤਾਂ ਆਂਡੇ ਦੀ ਮਿਠਾਈ ਤਿਆਰ ਹੈ। ਇਸਨੂੰ ਬਾਹਰ ਕੱਢ ਕੇ ਠੰਢਾ ਕਰੋ। ਇਸਨੂੰ ਕਟਿੰਗ ਬੋਰਡ `ਤੇ ਕੱਢ ਲਓ ਅਤੇ ਛੁਰੀ ਨਾਲ ਡਾਇਮੰਡ ਸ਼ਕਲ ਦੇ 36 ਪੀਸ ਕੱਟ ਲਓ।