ਬਿਟਾਰਾ ਅੱਪਾ-ਸ੍ਰੀ ਲੰਕਨ ਆਂਡਾ ਹੋਪਰਜ਼

ਇਕ ਵੱਡੇ ਬਾਊਲ ਵਿਚ ਖ਼ਮੀਰ ਨੂੰ ਕੋਸੇ ਪਾਣੀ ਵਿਚ ਪਾਓ ਅਤੇ ਖ਼ਮੀਰ ਨੂੰ ਐਕਟੀਵੇਟ ਕਰਨ ਲਈ 10 ਮਿੰਟ ਤੱਕ ਇਕ ਪਾਸੇ ਰੱਖੋ।।

ਹੁਣ ਇਸ ਵਿਚ ਚਾਵਲਾਂ ਦਾ ਆਟਾ ਪਾ ਕੇ ਹਿਲਾਓ ਤਾਂ ਕਿ ਚੰਗੀ ਤਰਾਂ ਮਿਕਸ ਹੋ ਜਾਵੇ। ਇਸਨੂੰ ਇਕ ਪਾਸੇ ਰੱਖ ਕੇ ਦੋ ਘੰਟੇ ਤੱਕ ਪਿਆ ਰਹਿਣ ਦੇਵੋ।

ਹੁਣ ਇਸ ਵਿਚ ਨਾਰੀਅਲ ਦਾ ਮਿਲਕ, ਖੰਡ ਅਤੇ ਨਮਕ ਪਾ ਕੇ ਚੰਗੀ ਤਰਾਂ ਮਿਲਾਓ ਅਤੇ ਹੋਰ 2 ਘੰਟੇ ਤੱਕ ਪਿਆ ਰਹਿਣ ਦਿਓ।

ਹੋਪਰ ਦੇ ਮਿਕਸਚਰ ਨੂੰ ਪੂਰਾ ਕਰਨ ਲਈ ਇਸ ਵਿਚ ਇਕ ਆਂਡਾ ਤੋੜ ਕੇ ਪਾਓ ਅਤੇ ਚੰਗੀ ਤਰਾਂ ਮਿਲਾਓ। ਜੇ ਮਿਕਸਚਰ ਗਾੜਾ ਹੈ ਤਾਂ ਇਸ ਵਿਚ ਇਕ ਚਮਚ ਪਾਣੀ ਦਾ ਪਾ ਕੇ ਪਤਲਾ ਕਰੋ। ਇਹ ਮਿਕਸਚਰ ਪੈਨਕੇਕ ਦੇ ਮਿਕਸਚਰ ਨਾਲੋਂ ਪਤਲਾ ਹੋਣਾ ਚਾਹੀਦਾ ਹੈ।

ਇਕ ਛੋਟੀ ਨਾਨ-ਸਟਿੱਕ ਕੜਾਹੀ ਜਾਂ ਪੈਨ ਵਿਚ ½ ਚਮਚ ਤੇਲ ਦਾ ਪਾ ਕੇ ਮੀਡੀਅਮ-ਹਾਈ ਸੇਕ `ਤੇ ਗਰਮ ਕਰੋ। ਕੜਾਹੀ ਦੇ ਸੈਂਟਰ ਵਿਚ ¼ ਕੱਪ ਤਿਆਰ ਕੀਤੇ ਹੋਪਰ ਦਾ ਮਿਕਸਚਰ ਪਾਓ। ਇਸਨੂੰ ਹਿਲਾਓ ਤਾਂ ਕਿ ਇਕਸਾਰ ਫੈਲ ਜਾਵੇ ਅਤੇ ਸਿਰਿਆਂ `ਤੇ ਪਤਲਾ ਹੋਵੇ। ਇਸਨੂੰ ਢੱਕ ਦੇਵੋ ਅਤੇ ਮੀਡੀਅਮ ਸੇਕ `ਤੇ ਇਕ ਮਿੰਟ ਤੱਕ ਪਕਾਓ ਤਾਂ ਕਿ ਹੋਪਰ ਦਾ ਸੈਂਟਰ ਅੱਧ-ਪਚੱਧਾ ਪੱਕ ਜਾਵੇ।

ਹੁਣ ਹੋਪਰ ਦੇ ਸੈਂਟਰ ਵਿਚ ਇਕ ਆਂਡਾ ਤੋੜ ਕੇ ਪਾਓ। ਸਵਾਦ ਅਨੁਸਾਰ ਨਮਕ ਅਤੇ ਮਿਰਚ ਪਾਓ। ਇਸਨੂੰ ਢੱਕਣ ਨਾਲ ਢੱਕ ਦੇਵੋ ਅਤੇ ਮੱਠੀ ਮੱਠੀ ਅੱਗ `ਤੇ ਕੁਝ ਮਿੰਟ ਤੱਕ ਪਕਾਓ ਜਾਂ ਜਿੰਨਾ ਚਿਰ ਤੱਕ ਆਂਡਾ ਪੂਰਾ ਪੱਕ ਨਹੀਂ ਜਾਂਦਾ। ਬਿਟਾਰਾ ਅੱਪਾ ਤਿਆਰ ਹੈ। ਹਰੇ ਧਨੀਏ ਨਾਲ ਗਾਰਨਿਸ਼ (ਮਰਜੀ ਅਨੁਸਾਰ) ਕਰੋ।

ਇਸੇ ਤਰ੍ਹਾਂ ਬਾਕੀ ਦੇ ਹੋਪਰ ਮਿਕਸਚਰ ਅਤੇ ਆਂਡਿਆਂ ਨਾਲ ਬਿਟਾਰਾ ਅੱਪਾ ਬਣਾਓ।