ਕੇਰਲਾ ਨਾਰੀਅਲ ਆਂਡਾ ਕਰੀ

ਇਕ ਮੀਡੀਅਮ ਪੈਨ ਵਿਚ ਨਾਰੀਅਲ ਦਾ ਤੇਲ ਪਾ ਕੇ ਮੀਡੀਅਮ-ਹਾਈ ਸੇਕ `ਤੇ ਗਰਮ ਕਰੋ। ਇਸ ਵਿਚ ਰਾਈ ਪਾ ਕੇ ਇਕ ਮਿੰਟ ਤੱਕ ਫਰਾਈ ਕਰੋ। ਹੁਣ ਕਰੀ ਪੱਤੇ ਪਾਓ ਅਤੇ ਇਕ ਮਿੰਟ ਫਰਾਈ ਕਰੋ। ਸੇਕ ਨੂੰ ਘਟਾ ਕੇ ਮੀਡੀਅਮ-ਲੋ ਕਰੋ। ਇਸ ਵਿਚ ਪਿਆਜ਼ ਪਾ ਕੇ 10-15 ਮਿੰਟ ਤੱਕ ਫਰਾਈ ਕਰੋ ਤਾਂ ਕਿ ਪਿਆਜ਼ ਗੋਲਡਨ ਬਰਾਊਨ ਹੋ ਜਾਵੇ।

ਇਸ ਵਿਚ ਟਮਾਟਰ ਪਾ ਕੇ ਕੁਝ ਮਿੰਟ ਤੱਕ ਪਕਾਓ। ਹੁਣ ਕਰੱਸ਼ਡ ਟਮਾਟਰ ਪਾ ਕੇ ਹਿਲਾਓ। ਫਿਰ ਲਸਣ ਪੇਸਟ, ਅਦਰਕ ਪੇਸਟ, ਧਨੀਆ ਪਾਊਡਰ, ਜੀਰਾ ਪਾਊਡਰ, ਮਿਰਚ ਪਾਊਡਰ, ਹਲਦੀ ਅਤੇ ਨਮਕ ਪਾਓ। ਚੰਗੀ ਤਰਾਂ ਮਿਕਸ ਕਰਕੇ ਕੁਝ ਮਿੰਟਾਂ ਲਈ ਪਕਾਓ।

ਨਾਰੀਅਲ ਮਿਲਕ ਅਤੇ ਪਾਣੀ ਪਾਓ ਅਤੇ ਕੁਝ ਮਿੰਟਾਂ ਲਈ ਪੱਕਣ ਦਿਓ। ਇਸ ਵਿਚ ਬਾਰੀਕ ਕੱਟਿਆ ਸੁੱਕਾ ਨਾਰੀਅਲ ਪਾਓ। ਕਰੀ ਸੌਸ ਤਿਆਰ ਹੈ।

ਜੇ ਲੋੜ ਹੋਵੇ ਤਾਂ ਕਰੀ ਸੌਸ ਵਿਚ ਪਾਣੀ ਪਾ ਕੇ ਪਤਲੀ ਕਰ ਲਓ। ਇਸ ਵਿਚ ਸਹਿਜ ਨਾਲ ਆਂਡੇ ਪਾਓ। ਹਰੇ ਧਨੀਏ ਨਾਲ ਗਾਰਨਿਸ਼ ਕਰੋ। ਉਬਲੇ ਹੋਏ ਚੌਲਾਂ ਨਾਲ ਸਰਵ ਕਰੋ, ਖਾ ਕੇ ਪੂਰਾ ਅਨੰਦ ਆਵੇਗਾ।