ਮਸਾਲਾ ਆਂਡਾ ਚਾਪਾਂ

ਖੱਟੀ-ਮਿੱਠੀ ਇਮਲੀ ਦੀ ਚਟਨੀ: ਸਾਰੀ ਸਮੱਗਰੀ ਨੂੰ ਬਲੈਂਡਰ ਜਾਂ ਫੂਡ ਪੋ੍ਰਸੈਸਰ ਵਿਚ ਪਾਓ ਅਤੇ ਚੰਗੀ ਤਰਾਂ ਬਲੈਂਡ ਕਰੋ। ਇਕ ਪਾਸੇ ਰੱਖ ਲਓ। ਚਟਨੀ ਤਿਆਰ ਹੈ।

ਪਾਣੀ ਵਿਚ ਇਕ ਚਮਚ ਨਮਕ ਦਾ ਪਾ ਕੇ ਆਲੂਆਂ ਨੂੰ 10-15 ਮਿੰਟ ਤੱਕ ਚੰਗੀ ਤਰਾਂ ਉਬਾਲੋ। ਪਾਣੀ ਨਿਚੋੜ ਕੇ ਇਹਨਾਂ ਨੂੰ ਚੰਗੀ ਤਰ੍ਹਾਂ ਮੈਸ਼ ਕਰੋ। ਇਸ ਵਿਚ ਹਰਾ ਧਨੀਆ, ਧਨੀਆ ਪਾਊਡਰ, ਜੀਰਾ ਪਾਊਡਰ, ਮਿਰਚ ਪਾਊਡਰ, ਪੈਪਰੀਕਾ ਪਾਊਡਰ, ਗਰਮ ਮਸਾਲਾ ਅਤੇ ਨਮਕ (ਸਵਾਦ ਅਨੁਸਾਰ) ਮਿਲਾ ਕੇ ਮਿਕਸ ਕਰੋ। ਠੰਡਾ ਹੋਣ ਲਈ ਇਕ ਪਾਸੇ ਰੱਖ ਦਿਓ।

¼ ਕੱਪ ਆਲੂ ਮਿਕਚਰ ਲੈ ਕੇ ਹਥੇਲੀ `ਤੇ ਇਸਦੀ ਟਿੱਕੀ ਬਣਾਓ। ਇਕ ਹੋਰ ਟਿੱਕੀ ਬਣਾਓ ਅਤੇ ਦੋਹਾਂ ਟਿੱਕੀਆਂ ਵਿਚ ਉਬਲਿਆ ਹੋਇਆ ਆਂਡਾ ਰੱਖ ਕੇ ਇਸਨੂੰ ਚਾਰੇ ਪਾਸਿਆਂ ਤੋਂ ਉਂਗਲੀ ਨਾਲ ਦਬਾ ਕੇ ਸੀਲ ਕਰ ਦਿਓ ਅਤੇ ਫਿਰ ਇਸਨੂੰ ਬਾਲ ਵਰਗਾ ਗੋਲ ਬਣਾਓ। ਇਸ ਬਾਲ ਨੂੰ ਫੈਂਟੇ ਹੋਏ ਆਂਡੇ ਨਾਲ ਚਾਰਾਂ ਪਾਸਿਆਂ ਤੋਂ ਲਬੇੜੋ ਅਤੇ ਇਸਨੂੰ ਬ੍ਰੈਡ ਕਰੰਬਜ਼ ਵਿਚ ਰੱਖ ਕੇ, ਚਾਰੇ ਪਾਸੇ ਬਰੈਡ ਕਰੰਬਜ਼ ਨਾਲ ਕੋਟ ਕਰੋ। ਇਸੇ ਤਰਾਂ ਬਾਕੀ ਆਲੂ ਮਿਕਚਰ ਦੇ ਬਰੈਡ ਕਰੰਬਜ਼ ਵਾਲੇ ਬਾਲ ਬਣਾ ਲਓ।

ਇਕ ਕੜਾਹੀ ਵਿਚ ਤੇਲ ਪਾ ਕੇ ਮੀਡੀਅਮ-ਹਾਈ ਸੇਕ `ਤੇ ਗਰਮ ਕਰੋ। ਆਲੂ ਮਿਕਚਰ ਦਾ ਨਿੱਕਾ ਜਿਹਾ ਪੀਸ ਇਸ ਵਿਚ ਪਾਓ। ਅਗਰ ਇਹ ਤੇਲ ਦੇ ਉਪਰ ਆ ਜਾਵੇ ਤਾਂ ਤੇਲ ਕੁਕਿੰਗ ਲਈ ਤਿਆਰ ਹੈ। ਆਲੂ ਮਿਕਚਰ ਵਾਲੇ ਸਾਰੇ ਬਾਲਜ਼ ਨੂੰ 4-5 ਮਿੰਟ ਤੱਕ ਡੀਪ ਫਰਾਈ ਕਰੋ ਤਾਂ ਕਿ ਬਾਲ ਗੋਲਡਨ ਬਰਾਊਨ ਅਤੇ ਖਸਤਾ ਹੋ ਜਾਣ॥ ਇਹਨਾਂ ਬਾਲਜ਼ ਨੂੰ ਖੱਟੀ-ਮਿੱਠੀ ਇਮਲੀ ਦੀ ਚਟਨੀ ਨਾਲ ਸਰਵ ਕਰੋ।