ਬਰੀਕ ਕੱਟੇ ਆਂਡਾ ਰਸਮ-ਕਰਾਰਾ ਟਮਾਟਰ ਸੂਪ

ਰਸਮ ਮਸਾਲਾ: ਇਕ ਪੈਨ ਨੂੰ ਮੀਡੀਅਮ-ਹਾਈ ਸੇਕ `ਤੇ ਗਰਮ ਕਰੋ। ਇਸ ਵਿਚ ਧਨੀਏ ਦੇ ਬੀਜ, ਕਾਲੀ ਮਿਰਚ, ਜੀਰਾ, ਮੇਥੀ ਦੇ ਬੀਜ ਅਤੇ ਸੁੱਕੀਆਂ ਲਾਲ ਮਿਰਚਾਂ ਪਾਓ ਅਤੇ ਕੁਝ ਮਿੰਟਾਂ ਲਈ ਟੋਸਟ ਕਰੋ। ਇਹਨਾਂ ਮਸਾਲਿਆਂ ਨੂੰ ਠੰਢਾ ਕਰ ਲਓ।

ਇਹਨਾਂ ਨੂੰ ਗਰਾਈਂਡਰ ਵਿਚ ਪਾ ਕੇ ਬਾਰੀਕ ਪੀਸ ਲਓ ਅਤੇ ਇਕ ਪਾਸੇ ਰੱਖ ਲਓ। ਰਸਮ ਮਸਾਲਾ ਤਿਆਰ ਹੈ।

ਇਕ ਮੀਡੀਅਮ ਪੈਨ ਵਿਚ ਤੇਲ ਪਾ ਕੇ ਮੀਡੀਅਮ-ਹਾਈ ਸੇਕ `ਤੇ ਗਰਮ ਕਰੋ। ਇਸ ਵਿਚ ਰਾਈ ਪਾ ਕੇ ਫਰਾਈ ਕਰੋ ਤਾਂ ਕਿ ਰਾਈ ਤਿੱੜਕਣ ਲੱਗ ਪਵੇ। ਫਿਰ ਕਰੀ ਪੱਤੇ ਪਾ ਕੇ ਇਕ ਮਿੰਟ ਤੱਕ ਫਰਾਈ ਕਰੋ।

ਹੁਣ ਇਸ ਵਿਚ ਟਮਾਟਰ ਪਾ ਕੇ ਇਕ ਮਿੰਟ ਤੱਕ ਪਕਾਓ। ਫਿਰ ਕਰੱਸ਼ਡ ਟਮਾਟਰ, ਨਮਕ, ਗੁੜ, ਲਸਣ ਪੇਸਟ, ਹਲਦੀ ਅਤੇ ਰਸਮ ਮਸਾਲਾ ਪਾ ਕੁਝ ਮਿੰਟਾਂ ਤੱਕ ਪਕਾਓ। ਸੂਪ ਬਣਾਉਣ ਲਈ ਇਸ ਵਿਚ ਪਾਣੀ ਪਾ ਦਿਓ। ਇਸਨੂੰ 10 ਮਿੰਟ ਤੱਕ ਰਿੰਨੋ। ਰਸਮ ਸੂਪ ਤਿਆਰ ਹੈ।

ਛੋਟੇ ਬਾਊਲ ਵਿਚ ਇਕ ਆਂਡੇ ਨੂੰ ਨਮਕ ਪਾ ਕੇ ਫੈਂਟੋ। ਹੁਣ ਮੀਡੀਅਮ ਪੈਨ ਵਿਚ ਤੇਲ ਨੂੰ ਮੀਡੀਅਮ-ਹਾਈ ਸੇਕ `ਤੇ ਗਰਮ ਕਰੋ। ਇਸ ਵਿਚ ਫੈਂਟਿਆ ਆਂਡਾ ਪਾਓ ਅਤੇ ਇਸਦੀ ਇਕਸਾਰ ਪਤਲੀ ਜਹੀ ਤਹਿ ਬਣਾਓ। ਇਸਨੂੰ ਦੋਹਾਂ ਪਾਸਿਆਂ ਤੋਂ ਪਕਾਓ। ਪਕਾਏ ਹੋਏ ਰੋਟੀ ਵਰਗੇ ਆਂਡੇ ਨੂੰ ਕਟਿੰਗ ਬੋਰਡ `ਤੇ ਰੱਖ ਕੇ ਇਸਨੂੰ ਰੋਲ ਕਰੋ। ਫਿਰ ਚਾਕੂ ਨਾਲ ਰਿੰਗਾਂ ਵਰਗੇ ਨਿੱਕੇ ਨਿੱਕੇ ਪੀਸ ਕਰ ਲਓ। ਇਸੇ ਤਰਾਂ ਦੂਸਰੇ ਆਂਡੇ ਦਾ ਰੋਲ ਬਣਾ ਕੇ ਇਸਦੇ ਵੀ ਨਿੱਕੇ ਨਿੱਕੇ ਪੀਸ ਬਣਾਓ।

ਇਕ ਬਾਊਲ ਵਿਚ ਰਸਮ ਸੂਪ ਪਾਓ ਅਤੇ ਇਸ ਉਪਰ ਬਾਰੀਕ ਕੱਟੇ ਹੋਏ ਆਂਡਿਆਂ ਦੇ ਰਿੰਗ ਟਿਕਾਓ। ਇਸਨੂੰ ਹਰਾ ਧਨੀਆ ਨਾਲ ਗਾਰਨਿਸ਼ ਕਰਕੇ ਸਰਵ ਕਰੋ।