ਆਂਡਾ ਚਾਟ

ਖੱਟੀ-ਮਿੱਠੀ ਇਮਲੀ ਦੀ ਚਟਨੀ: ਇਸਨੂੰ ਬਣਾਉਣ ਲਈ ਇਸਦੀ ਸਾਰੀ ਸਮੱਗਰੀ ਨੂੰ ਬਲੈਂਡਰ ਜਾਂ ਫੂਡ ਪੋ੍ਰਸੈਸਰ ਵਿਚ ਪਾਓ ਅਤੇ ਚੰਗੀ ਤਰਾਂ ਬਲੈਂਡ ਕਰੋ। ਇਸਨੂੰ ਇਕ ਪਾਸੇ ਰੱਖ ਲਓ। ਚਟਨੀ ਤਿਆਰ ਹੈ।

ਇਕ ਛੋਟੇ ਪਤੀਲੇ ਵਿਚ ਛਿੱਲੇ ਅਤੇ ਕੱਟੇ ਹੋਏ ਆਲੂ ਨੂੰ ਪਾਣੀ ਵਿਚ ਪਾਓ। ਇਸ ਵਿਚ ¼ ਚਮਚ ਨਮਕ ਪਾ ਕੇ 10 ਮਿੰਟ ਤੱਕ ਉਬਾਲੋ। ਆਲੂ ਨੂੰ ਪਾਣੀ `ਚੋਂ ਬਾਹਰ ਕੱਢ ਕੇ ਇਕ ਪਾਸੇ ਰੱਖ ਲਓ।

ਇਕ ਮੀਡੀਅਮ ਪੈਨ ਵਿਚ ਤੇਲ ਪਾ ਕੇ ਮੀਡੀਅਮ-ਹਾਈ ਸੇਕ `ਤੇ ਗਰਮ ਕਰੋ। ਇਸ ਵਿਚ ਉਬਲੇ ਹੋਏ ਆਲੂ ਅਤੇ ਮਟਰ ਪਾ ਕੇ ਚੰਗੀ ਤਰਾਂ ਹਿਲਾਓ।

ਇਸ ਵਿਚ ਲਸਣ ਪੇਸਟ ਅਤੇ ਅਦਰਕ ਪੇਸਟ ਪਾ ਕੇ ਮਿਲਾਓ। ਇਸ ਤੋਂ ਬਾਅਦ ਧਨੀਆ ਪਾਊਡਰ, ਜੀਰਾ ਪਾਊਡਰ, ਚਾਟ ਮਸਾਲਾ, ਮਿਰਚ ਪਾਊਡਰ ਅਤੇ ਸਵਾਦ ਅਨੁਸਾਰ ਨਮਕ ਪਾ ਕੇ ਮਿਲਾਓ। ਇਸਨੂੰ 10 ਮਿੰਟ ਤੱਕ ਠੰਡਾ ਹੋਣ ਦਿਓ। ਇਸ ਵਿਚ ਉਬਲੇ ਅਤੇ ਕੱਟੇ ਹੋਏ ਆਂਡੇ ਪਾ ਲਓ।

ਹਰ ਸਰਵਿੰਗ ਨੂੰ ਵੱਖੋ-ਵੱਖਰੇ ਬਾਊਲ ਵਿਚ ਪਾ ਕੇ ਤਿਆਰ ਕੀਤਾ ਜਾ ਸਕਦਾ ਹੈ। ਸਰਵ ਕਰਨ ਲਈ ਇਕ ਬਾਊਲ ਵਿਚ ਪਹਿਲਾਂ ਆਂਡੇ, ਆਲੂ ਅਤੇ ਮਟਰ ਦਾ ਮਿਕਸਚਰ ਪਾ ਲਓ। ਇਸ ਉਪਰ ਖੱਟੀ-ਮਿੱਠੀ ਇਮਲੀ ਦੀ ਚਟਨੀ ਪਾਓ। ਇਸਨੂੰ ਚੁਟਕੀ ਕੁ ਗਰਮ ਮਸਾਲਾ, ਹਰਾ ਧਨੀਆ, ਲਾਲ ਪਿਆਜ਼ ਅਤੇ ਕਾਫ਼ੀ ਜਿ਼ਆਦਾ ਭੁਜੀਆ ਸੇਂਵੀਆਂ ਨਾਲ ਗਾਰਨਿਸ਼ ਕਰਕੇ ਸਰਵ ਕਰੋ।